Eldri fréttir

Ævintýri í Öskjuhlíðinni

Umhverfisdagurinn tók á sig skemmtilegan svip í dag þegar Tjarnskælingar fóru í ánægjulega útikennslu í Öskjuhlíðinni. Grenndarskógarpabbinn okkar, hann Ólafur Oddsson tók á móti okkur ásamt fræknu liði. Síðan tók við fjölbreytileg stöðvavinna þar sem nemendur og kennarar kynntust m.a. útieldun, tálgun, útileikjum, stærðfræðikúnstum og fleira skemmtilegu. Í lokin fögnuðum við með Háskóla Íslands þegar skrifað var undir grenndarskógasamkomulag og hún María okkar tók lagið fyrir viðstadda. Þetta reyndist mjög ánægjulegur dagur í alla staði. Við þökkum Ólafi og hópnum hans kærlega fyrir frábæran skógardag.

Árshátíðin í Iðnó og Pisa

Árshátíð Tjarnarskóla var haldin með pompi og prakt í Iðnó og tókst með afbirgðum vel. Þau María, Margrét Rósa, Una og Eiríkur voru með glæsilegt tónlistaratriði í byrjun. Síðan tók við óborganlegt kennaragrín áður en borðhald hófst. Hápunktur kvöldins var síðan þegar kosningar um hinar ýmsu tilnefningar voru kynntar; s.s. bros Tjarnarskóla, krútt Tjarnarskóla, bókaormur Tjarnarskóla ásamt ýmsum fleiri skemmtilegum tilnefningum. Þau Anna Guðný og Eiríkur voru  kosin ungfrú og herra Tjarnarskóla við mikinn fögnuð. Ekki má svo gleyma Tjarnarskólalaginu 2010, en þær Anna Guðný, Una og Guðrún Ö. sömdu bráðsnjallan texta við lagið Album af Bahama og allir sungu saman með miklum tilþrifum. Síðan fluttum við okkur yfir á Pisa og þar var dansað og sungið fram eftir kvöldi.

Skoðið endilega fleiri myndir á myndakrækjunni.

14. apríl

Errósýningin ,,Mannlýsingar"

10. apríl

Ungbarnadögum í Smiðju lokið

Það var óvenjulegt um að litast í skólanum í síðustu viku því ungbarnadúkkur settu svip sinn á skólastarfið í þrjá daga. Nemendur í Smiðju fengu það verkefni að annast ,,sýndarungbarn í tvo og hálfan sólarhring. Í því fólst að fylgjast með því að ,,börnunum" væri sinnt af natni og varúð: Bleyjuskipti, mjólkurgjafir voru reglulega á dagskrá, ,,börnin" þurftu að ropa og það þurfti að hugga þau. Yngri nemendur sýndu þessu verkefni einnig mikinn áhuga og 10. bekkingar mæla hiklaust með því að þetta verði árlegt verkefni í skólanum. Þetta er í fyrsta skipti á Íslandi sem verkefni af þessu tagi fer fram á skólatíma.

,,Ungbörnin" fengu góða umönnun. Allir reynslunni ríkari.

Sjá einnig fleiri myndir á myndakrækju

18. mars

Borgarleikhúsið skoðað

Gáskafullur Gauragangur á sviðinu

Hauskúpa með hjálm er ekki á hverju strái

Af frumkvæði foreldra í skólanum fengu nemendur að heimsækja Borgarleikhúsið fyrir skemmstu. Hver bekkur um sig fór í skoðunarferð og nemendur fengu tækifæri til þess að kynnast innviðum leikhússins. Það var hann Hafliði Arngrímsson sem tók á móti nemendum sem fengu m.a. að skoða leikmunadeild, búningadeild, sjá sviðsmyndir og fleira forvitnilegt. Síðast liðið miðvikudagskvöld fengu nemendur síðan boð á æfingu á Gauragangi sem verður frumsýndur á föstudagskvöldið. Það var auðséð að nemendur skemmtu sér hið besta og fannst gaman að kynnast þeim Ormi, Ranúr og félögum. Bráðskemmtilegt verk eftir Ólaf Hauk Símonarson.

Viðurkenning fyrir góða þemadagavinnu

Guðrún Ö., Margrét Rósa, Elma Dís, Eydís og Agnes. Anna Guðný, Hrafnhildur, Sóley og Lísa

Þessi glaðlegi stelpuhópur fékk viðurkenningu fyrir stuttu fyrir framúrskarandi þemadagavinnu. Einn hópur fékk viðurkenningu sem besti hópur að mati kennara, annar sem besti hópur að mati nemenda og síðan fékk einn nemandi sérstaka viðurkenningu fyrir góða hópstjórn. Þær brugðu sér í einu hádeginu á Eldsmiðjuna í viðurkeningarskyni.

Skálaferð í snjó

Ótrúlega gaman að ærslast í snjónum og búa til snjóhús

(Fleiri myndir á myndakrækju)

Furðuföt og vöfflur á öskudegi

Hið frækna vöfflugengi

Öskudagurinn var skemmtilegur. Margir nemendur mættu í litríkum fötum þann dag og dagskráin var ekki með hefðbundnu sniði eins og vera ber. Nokkrir nemendur tóku að sér að baka vöfflur í lok dags sem voru innbyrtar með sultu og rjóma. Síðan fórum við öll í kærkomið vetrarfrí. (Sjá fleiri myndir í myndakrækju).

Framhaldsskólaheimsóknir 10. bekkinga

Heimsókn í Borgarholtsskóla

Forvitnilegt að skoða tæki og tól og bíla

10. febrúar

Grenndarskógarsamkomulag í Mæðragarðinum

Við áttum frábæra stund í Mæðragarðinum á föstudaginn í tilefni af undirritun samkomulags við Reykjavíkurborg og verkefnið Lesið í skóginn um grenndarskóg. Samkomulagið felur í sér að Tjarnarskólanemendur fá að nýta nánustu almenningsgarða til útikennslu. Við þetta tækifæri fengum við góða gesti; þau Ólaf Oddson frá LÍS, Þórólf Jónsson, garðyrkjustjóra og Valgerði Janusdóttur frá Menntasviði Reykjavíkur. Nemendur tóku lagið af þessu tilefni og að undirritun lokinni var boðið upp á heitt súkkulaði og kleinur í blíðskaparveðri. Við hlökkum til nýrra verkefna á þessu sviði.

Í Mæðragarðinum

         Þuríður, Hannah, Una, Uma, Helen, Birta Rún og María (með gítarinn)  tóku lagið

Í tilefni Valentínusardagsins

Helen átti afmæli

Um daginn átti Helen afmæli. Bekkjarsystir hennar, hún Uma, var svo góð að koma með þessa fínu köku af því tilefni og krakkarnir í bekknum fengu að gæða sér á kökunni. Það voru því glaðir krakkar í Kvosinni.

Myndin er af Unni, Agnesi, Kára, Jónu, Helen og Hrafnhildi.

Þemadagauppskera

Þemadagauppskeran okkar fór fram föstudaginn áður en Íslendingar völdu Evróvisjónlagið sitt. Tilkynnt var hvaða þemadagaverkefni var talið best. Kennaraviðurkenningu hlaut hópurinn: Sóley, Hrafnhildur, Lísa og Agnes, fyrir frábæra samvinnu, ríkt hugmyndaflug og skemmtilega framsetningu (meðal annars stuttmynd). Nemendur völdu hins vegar hópinn sem þau Elma, Guðrún Ö., Eydís og Margrét Rósa voru í, sem flottasta verkefnið. Anna Guðný fékk einnig sérstaka viðurkenningu fyrir góða hópstjórn. Þessir krakkar fá að gera sér glaðan dag einhvern næstu daga á pizzustað. Við lukum vikunni með ostastlaufum og skúffuköku, því allir hópar áttu hrós skilið, og allir sungu saman danska lagið: Smuk som et stjerneskud, með miklum tilþrifum.

10. febrúar

Þorgrímur Þráinsson fínn gestur í Kvos

Kvosarnemendur fengu Þorgrím Þráinsson í heimsókn þar sem lífið og tilveran var aðalviðfangsefnið. Þorgrímur lagði ýmislegt gott til málanna og hvatti nemendur til þess að vera meðvitaða um eigið ágæti og að þeim séu allir vegir færir. Nemendur voru afar ánægðir með fyrirlesturinn og góðar umræður hafa skapast í kjölfar heimsóknarinnar.

Sögulegir þemadagar

Þemadagarnir tókust með miklum ágætum. Nemendur voru nú á sögulegum nótum. Sögusviðið var 1906 - 2010 með skólahúsið og sögu Tjarnarskóla í brennidepli. Nemendur unnu einnig með úrklippusafn skólans sem geymir fréttir af fyrrverandi nemendum skólans. Góð samvinna og vinnugleði einkenndu þessa daga en tíu hópar voru að störfum. Sjálfsmat og mat á verkum annarra hópa var einnig á döfinni og tveir hópar unnu til verðlauna. Við segjum nánar frá því síðar.

28. janúar

Hollywoodstemning

´

20. janúar

Tjarnarstemmning     (sjónarhorn frá kennarastofu)

Frábær árangur hjá fjárnámskrökkunum

Góð heimsókn frá ,,Blátt áfram"

Árið 2010 gekk í garð

Jólaball í kjölfar prófanna

Jólaball Tjarnskælinga var í gærkvöldi. Tíundu bekkingar undirbjuggu veitingar og þau María, Margrét, Hringur og Eiríkur og Guðrún spiluðu tónlist. Sing-Star var einnig á dagskrá og svo var auðvitað dansað og dansað. Frábært kvöld!

Jólaföndur að hætti foreldrafélagsins

Það var afar ljúf stemmning og notaleg stund þegar Tjarnarskólakrakkar, foreldrar, systkyni, afar og ömmur hittust eitt síðdegið áður en aðventan gekk í garð. Fallegar piparkökur, jólakort og glervörur litu dagsins ljós og svo buðu tíundu bekkingar upp á heitt kakó og meðlæti. Það var ótrúlega góð mæting og allir voru sammála um að vel hafi til tekist. Það má skoða fleiri myndir í myndakrækju.

2. desember

Glæsileg rannsóknarverkefni

Sýnishorn af rannsóknarverkefnum nemenda

Á jólaföndurdeginum í lok nóvember héldum við sýningu á glæsilegum rann-sóknarverkefnum nemenda. Það var ótrúleg fjölbreytni í viðfangsefnum og útfærslur með mjög hugmyndaríkum hætti. Skoðið endilega fleiri myndir á ,, Myndir".

Eiríkur Erlingsson fékk íslenskuverðlaun Menntaráðs

Viðurkenning fyrir þemadagavinnu

Skemmtilegt að skauta

Hittingur að kvöldi til

2. desember

Hugmyndir - hönnun og nýsköpun á þemadögum

Frábærir þemadagar eru að baki.Vinnusemi og áhugi var mjög áberandi; nemendur kynntu sér nýsköpunarverkefni, fóru í heimsóknir, tóku viðtöl, kynntu sér handverk og hönnun og lögðu sig fram við að finna góðar hugmyndir til þess að senda í Nýsköpunarkeppni grunnskóla. Það var mjög gaman að sjá afraksturinn. Þar mátti sjá skýjakljúfa, glærusýningar, upplýsingar um fjölbreytt nýsköpunarverkefni, handverk og hönnun, en hver hópur setti upp ,,sýningarbás” með afrakstri vinnunnar. Í lokin settust nemendur yfir ,,sjálfsmatsblöð”, fengu einnig það verkefni að meta annan nemendahóp og velja þrjú bestu hópverkefnin. Það kom í ljós að margir áttu erfitt með að velja af því að verkefnin voru svo fín. Að endingu var boðið upp á brauð og kakó.

Mikil vinnusemi og vinnugleði var á þemadögum í skólanum

Fjör við Hljómskálann

17. nóvember

Kynning á AFS

Hún Hildur María Haarde, fyrrum Tjarnskælingur, var góður gestur hjá 10. bekkingum fyrir skömmu. Hún kynnti AFS skiptinemasamtökin á Íslandi. Nemendur voru mjög áhugasamir og spurðu margra góðra spurninga. Það er alltaf gaman að fá fyrrverandi Tjarnskælinga í heimsókn.

12. nóvember

Hrekkjavaka

Hrekkjavakan hélt innreið sína í Tjarnarskóla. Hryllilegar skreytingar voru upp um alla veggi, í gluggum og víða. Beinagrindur, kóngulær og fleira ,,skelfilegt” blasti víða við. Samt hryllilega skemmtilegt.

Skoðið líka fleiri myndir á ,,Myndir"

Framhaldsskólakynningar

Nú þegar hafa 10. bekkingar farið í þrjár framhaldsskólaheimsóknir; í MR, Kvennó og nú síðas í Verzló. Sirrí hefur verið afar stolt af nemendum í þessum ferðum. Þeir hafa fengið hrós fyrir hversu áhugasamir þeir eru og góðar spurningar. Í kjölfar hverrar heimsóknar þurfa nemendur að skila skýrslu um heimsóknina.

Nú býðst nemendum að fá sér heitan hafragraut á milli klukkan 8.00 og 8.25. Sumir nemendur nýta sér þetta og mæta galvaskir í eldhúsið og fá sér graut. Eins og allir vita er hafragrautur bráðhollur og saðsamur.

Áhugaverð bókarkynning á Borgarbókasafni

Nemendum skólans bauðst að koma á afar áhugaverða bókarkynningu fyrir stuttu. Höfundur bókarinnar, Kim M. Kimselius, ræddi við nemendur og þýðandinn, Elín Guðmundsdóttir, las upp úr bókinni. Nemendur og kennarar voru mjög áhugasamir eftir þessa kynningu, en í bókinni er mikill sögulegur fróðleikur.

  Eiríkur, Lára, Kim. M. Kimselius og Hannah

28. október

Nemendakaffihús á viðtalsdegi

Nemendaráðið fékk þá fínu hugmynd að opna kaffihús í skólastjóraherberginu á viðtalsdegi fyrir stuttu. Þegar nemendur og foreldrar höfðu rætt við umsjónarkennarana beið þeirra súkkulaðikökur, pönnukökur og fleira gómsætt. Afraksturinn rann í nemendasjóð.

Stelpuskerpa og Spilaskerpa

Áhugasamar stelpur - og Guðný

Nú set ég tvistinn út...

21. október

Hvað þýða nöfnin okkar?

Frá nafnagrúskinu hjá Helgu Júlíu, íslenskukennara

Keiluferð í kjölfar prófa

Frábær ferð í alla staði

Skemmtilegt í Skorradal

Allir í danska flækju

Nu skal vi blandes!

Samræmd könnunarpróf í 7. og 10. bekk að baki

Nemendur í 7. og 10. bekk tóku samræmd könnunarpróf fyrir skemmstu. Prófin fóru mjög vel fram og við nutum þess að fá að hafa prófin í sal Dómkirkjusafnaðarins (hinu megin í húsinu), eins og löngum fyrr. Svo er bara að bíða eftir niðurstöðum og leggja línurnar í kjölfarið. Myndin er af 10. bekkingum sem eru einbeittir á svip.

14. september

Vinsælt að fara á Borgarbókasafnið

Nemendur skólans eru fastagestir á Borgarbókasafninu í Tryggvagötu. Þar er tekið sérstaklega vel á móti þeim og þeir fara venjulega klyfjaðir af skemmtilegum bókum. Svo er bara að lesa og lesa á íslensku, ensku, dönsku og þýsku....

Litríkir sokkar

Það getur verið gaman að virða fyrir sér litadýrðina - jafnt utan dyra sem innan.

Hún Sirrí dönskukennari tók veitti glaðlegum sokkum eftirtekt einn daginn og þá var um að gera að sækja myndavélina og taka mynd.

Hér eru gulir sokkar, um bláa sokka, frá gráum sokkum til rauðra sokka...

Hvernig er þetta annars á dönsku?

Æfingaakstur nálgast hjá 10. bekkingum

Nú styttist óðum í að 10. bekkingar fái leyfi til æfingaaksturs. Það er því nauðsynlegt að huga enn og aftur að ábyrgð og öryggi í umferðinni.

Hún Sæunn Kjartansdóttir frá Slysavarnafélaginu Landsbjörgu kom í heimsókn í 10. bekk í síðustu viku. Þetta var hin ágætasta fræðsla með glærum, stuttum fræðslumyndum og dæmum úr raunveruleikanum. Umferðaslysin eru ekki aftur tekin og því er gott að ræða umferðarmálin.

Pókó - það er málið

Í góðviðrinu upp á síðkastið hefur verið fínt að liðka sig á Tjarnarbakkanum í ,,pókó". Þórir kennari hefur verið ötull að kenna krökkunum þennan skemmtilega boltaleik.

27. ágúst

Tuttuguasta og fimmta skólasetningin

Við áttum notalega stund við skólasetninguna í Dómkirkjunni á mánudaginn. Það var ánægjulegt að hitta nýja nemendur og fjölskyldur þeirra og eiga endurfundi við þá eldri. Jónas Þórir lék fyrir okkur ,,Ísland er land þitt" og ,,Tears in Heaven". Skólasetningin var sú 25. í sögu skólans. Við ætlum auðvitað að halda upp á afmælið á skólaárinu.

Fyrstu skóladagarnir hafa farið afar vel af stað og lofa mjög góðu.

Skólaárið 2009 - 2010