Tjarnarskóli - lítill skóli með stórt hjarta

Fréttir


  • 23. ágúst Nýtt skólaár - skólasetning í 37. sinn

    Það var mjög ánægjulegt að hitta alla nýju nemendurna og auðvitað eldri nemendur einnig á skólasetningunni. Sjana Rut, fyrrverandi Tjarnarskólanemendi kom og söng svo fallega fyrir okkur. Við gleðjumst ávallt á nýjum byrjunarreit og vonum að skólárið verði frábært, þangað stefnum við. 

  • 7. júní Útskrift og skólaslit í 36. sinn í Dómkirkjunni

    Heil og sæl öll og kærar þakkir fyrir síðast, á skólaslitum í 36. sinn í Dómkirkjunni 8. júní síðast liðinn.

    Langar að deila með ykkur myndum sem ég tók um leið og ég þakka aftur þeim sem lögðu fram sinn skerf til að gera athöfnina ánægjulega. Kærar þakkir til Arndísar í 8. bekk fyrir frábæran tónlistarflutning á víóluna sína, Árna í 10. bekk fyrir skemmtilega ræðu útskriftarnemanda, Helgu Ægisdóttur, mömmu í 10. bekk fyrir dásamlega ræðu. Einnig Guðrúnu Evu í 10. bekk fyrir fallega sönginn.

    Sex nemendur í 10. bekk fengu viðurkenningar; þau Ívar, Katrín, Árni, Nikolai, Guðjón Már og Kristófer Óli. Fimm nemendur í 9. bekk, þau Þórunn, Dharma, Eyjólfur, Elmar og Sólveig og þrír nemendur í 8. bekk; þau Kayla, Arndís og Ingibjörg.

    Útskrift 10. bekkinganna var ánægjuleg, eins og alltaf, en að þessu sinni útskrifuðust 18 nememendur sem halda nú inn í nýjan kafla í skólagöngunni. Helga Júlia, umsjónarkennari, kvaddi þá svo fallega. Ég óska þeim allra heilla.

    Svo kvöddum við einnig Helgu Markúsdóttur sem lauk starfsferlinum sínum hjá okkur. Þakka þér enn og aftur, Helga mín.

    Fulltrúar í foreldrafélaginu fengu líka þakkir.

    Í lokin fórum við út í skóla þar sem var fjölmenn kveðjustund með fjölskyldum 10. bekkinga, það eru nokkrar myndir þaðan líka.

    Njótið sumarsins!  Kv. Margrét

  • 3. júní Gleðidagur hjá 10. bekk - á fullu í alls konar

    Tíundu bekkingar fögnuðu því að skólaárinu er að ljúka. Þeir fóru í dagsferð með umsjónarkennaranum sínum henni Helgu Júlí. Frábær dagur að þeirra sögn.

  • 26. maí Foreldrar grilluðu í Mæðragarðinum

    Frábærir foreldrar og ein amma þau Guðrún, Aðalsteinn, Harpa og Ágústa amma og foreldraráð í heild sinni stóðu fyrir frábærr pylsu og ísveislu í dag. Dásamleg samvera í góða veðrinu í Mæðragarðinum sem hefur tekið breytingum. Veisluhaldarar slóu í gegn, allir glaðir. Grill og ísbíll, gerist ekki betra!

  • 20. - 21. maí Vorferð í Ölver

    Loksins fengum við tækifæri til að fara saman í ferðalag eftir langvinnar lokanir vegna...þið vitið. Hópurinn fór í tveggja daga ferð og gistu í Ölveri. Um kvöldið var Júróvisjónstemning.  Frábær samvera í góðu veðri allan tímann. 

  • 19. maí Stelpur og tækni

    9. bekkur tók þátt í Stelpur og tækni í dag. Skemmtilegt og fræðandi verkefni þar sem Háskólinn í Reykjavík hvetur konur til náms í tæknigreinum og þær fá að kynnast konum í tæknistörfum og tæknifögum innan háskólans. Markmiðið er að vekja áhuga þeirra á ýmsum möguleikum í tækninámi og störfum, brjóta niður staðalímyndir og sýna þeim fjölbreytileikann sem einkennir tækniiðnaðinn.

  • 14. maí Kennarinn í tónlistarvalinu ánægður með hópinn sinn

    Kennarinn í tónlistarvalinu hefur verið mjög ánægður með krakkana. Sendi póst á miðvikudaginn:

    ,,Sæl, gekk rosalega vel í dag, það var mjög erfitt að slíta sum þeirra frá tölvunum í lok tímans því þau voru á kafi í að gera tónlist

     

  • 7. maí Tíundubekkingar afhentu Rauða krossinum 75 þúsund

    Tíundubekkingarnir okkar urðu í 3. sæti í Fjármálaleikunum fyrir stuttu og fengu 100 þúsund króna verðlaunafé. Þeir ákváðu að styrkja Rauða krossinn um 75 þúsund af verðlaunafénu. Glæsilegt hjá okkar krökkum. Í kjölfar afhendingarinnar buðum við þeima upp á ís fyrir frækna frammistöðu. Húrra fyrir þeim

  • 4. maí Aldeilis frábær árshátíð

    Stærsti viðburður vetrarins, árshátíðin 2021 var á fimmtudaginn. Hún var svo skemmtileg! Við vorum mjög stolt af krökkunum. Nemendur í 10. bekk lögðu mikið á sig til að kvöldið yrði eftirminnilegt. Guðrún og Árni voru glæsilegir kynnar, mörg skemmtiatriði voru flutt, nemendur fengu alls konar tilnefningar, galdur, dansar, herrar og ungfrúr bekkjanna, skemmtilegt tónlistarval Ragnheiðar, oooog ekki má gleyma kennaragrínunum. Voru alveg frábær í ár. Birna, Goði, Guðrún og Guðjón Már voru með frábær tónlistaratriði. Húrra fyrir ykkur, krakkar

  • 26. apríl Hundurinn Húgó, gestur dagsins

    Gaman að fá dýr í heimsókn. Nú var það hann Húgó sem gladdi okkur með því að vera með okkur hálfan dag.

  • 21. apríl Kanínan Húgó í heimsókn

    Dýrin streyma í Tjarnó - við fengum kanínuna hennar Gabríelu í heimsókn í dag. Góður og fallegur gestur.

  • 21. apríl Gaman í körfubolta

    Nokkrir nemendur völdu að fara í körfubolta - stuð og stemning.

  • 16. apríl Hvolpurinn Móa sló í gegn

    Sigurborg kennari kom með hvolpinn sinn, hana Móu í skólann í dag. Hún sló í gegn.

  • 12. apríl Ísferð í sárabætur

    Í dag hefðum við átt að vera í skíðaferð í Bláfjöllum en vegna þess að við þurftum að blása hana af út af ,,dottlu" fengu allir ís í sárabætur í góða veðrinu🍦

  • 24. mars Þemadagar sem ekki var hægt að ljúka

    Þemadagar 2021 - Tjarnó ætlaði að safna áheitum fyrir Unicef. Nemendur hófu undirbúning að söfnun fyrir. Eftir fyrsta daginn sem tókst ágætlega ætluðu nemendur að drippla boltum, reikna dæmi, spila kleppara, stjórna lukkuhjóli, selja bollakökur og fleira skemmtilegt en þá greip covidástandið enn og aftur í taumana og allir fóru fyrr í páskafrí, eins og kunnugt er. Nú er það spurningin hvort okkur tekst að ljúka ætlunarverkinu fyrir skólalok.

  • 22. mars Frábær ferð í Perluna

    Frábær ferð í Perluna í dag. Krakkarnir voru mjög áhugasamir enda heil sýning um eitt heitasta umræðuefni þjóðarinnar.

  • 18. mars Tíundu bekkingar urðu í 3. sæti í Fjármálaleikum grunnskólanna 2020 - 2021

    Tíundu bekkingar urðu í 3. sæti í Fjármálaleikum grunnskólanna 2020 - 2021. FRÁBÆRT! Kristín Lúðvíksdóttir, verkefnastjóri Fjármálavits kom í heimsókn í dag og færði nemendum hamingjuóskir, kökur, viðurkenningarskjal og verðlaunin sem eru 100.000 krónur. Vel gert! Innilega til hamingju krakkar og Birna Dís, kennari! Húrra!

  • 16. mars Heimsóknir 10. bekkinga í FMos og fleiri skóla

    Það er nóg að gera hjá 10. bekk í að skoða framhaldsskóla. Í dag fóru nokkrir nemendur í MS og eftir hádegi fórum við í stórskemmtilega heimasókn í FMOS. Ég var einmitt beðin um að skila því til foreldra að það er opið hús hjá FMOS á morgun klukkan 17:00 ef einhverjir vilja skoða hann betur.

  • 11. mars Tíundu bekkingar í framhaldsskólaheimsóknum

    Krakkarnir í 10. bekk eru búin að vera á ferð og flugi í þessari viku. Við fórum í heimsókn í Borgarholtsskóla á mánudaginn, á þriðjudaginn fórum við í Borgarleikhúsið og sáum leiksýninguna, Allt sem er frábært. Eftir hádegið skoðuðum við Menntaskólann í Kópavogi og í morgun fórum við á kynningu í Tækniskólanum. Síðan eru nokkrir úr bekknum skráðir á kynningu í Versló í dag klukkan 15:00.


Efst á síðu