Það var bráðskemmtilegt að horfa á danssýningu á vegum ,,List fyrir alla" í ráðhúsinu, 17. nóvember. Fyndin sýning sem féll vel í kramið.
Hún Sigrún Edda, ritarinn í skólanum, tekur gjarnan hundinn sinn með í skólann (með samþykki allra, að sjálfsögðu). Hann er í miklu uppáhaldi og við köllum hann Mola skólahund. Þau á myndinni eru miklir vinir.
Mjög skemmtilegt tækifæri að kynnast lýðræðislegri kosningu og taka þátt. Gott framtak!
Foreldraráðið eldaði ilmandi Mexíkósúpu í lok október - áður en prófatíminn gekk í garð. Frábært framtak! Sjá má stutt myndband á slóðinni: https://apps.facebook.com/magisto/video/YQ5MOQAIFD0sXAxgCzE?o=w&c=e&l=mmr1&tp=AgMCXjUmPFYXVA1ZWCk6WBRVCA4PeTtcEgRZAgwsbA0TVQ5cX31vU1cUCUkFOioIFDkFXlc5MQ8UCTNIDy48ElcTH18YEDEPTFdcDFN4a1lCU0pZAi42BRQKUV8HLjEH&trydeeplink. Gjörið þið svo vel :)
Alltaf gaman að skoða sýninguna og fræðast um hvernig upphaf landnáms var í Reykjavík.
Tíundu bekkingar fóru á fróðlega sýningu á Árbæjarsafni. Þar fengu þeir fræðslu um neysluhætti Reykvíkinga á síðustu öld og á sýningunn var hægt að skoða völundarhús plastsins þar sem sjónum er beint á ofnotkun á plasti. Þessi sýning tengist mjög vel umfjöllunarefni nemenda í samfélagsfræði um neyslusamfélagið og hvað við mannfólkið getum gert til að minnka vistspor okkar á jörðinni.
Það er gott að leggja stundum hefðbundið nám til hliðar og gera eitthvað allt annað. Einn rigningardaginn gerðum við það eftir hádegi.
Áhrifamikil mynd - allir nemendur fóru í Bíó Paradís 18. október
Eins og flestir landsmenn tókum við þátt í ,,bleikum föstudegi"14. október til þess að vekja athygli á góðu málefni.
Norræna húsið stóð fyrir viðburðinum ,,Úti í Mýri" í október sem var hluti af alþjóðlegri barna- og unglingabókmenntahátíð í Reykjavík. Nemendur í 8. og 9. bekk tóku þátt í svo nefndu ,,Sagnaflugi" en nemendur í 10. bekk verkefninu ,,Rímur og rapp". Gaman! Takk fyrir okkur!
Hún Sigrún myndmenntakennari er algjör snillingur. Hún hefur m.a. fengið nemendur til að vinna með ,,ljósið í myrkrinu" með því að nota kol. Skoðið endilega myndirnar með því að smella á fyrirsögnina.
Nemendum í Tjarnó bauðst að vera gestir í útsendingu á Útsvarsþætti föstudaginn 30. september. Það er spennandi að sjá hvernig svona útsending fer fram í sjónvarpssal og fá myndir með þeim Sigmari og Þóru, þáttarstjórnendum.
Það er stutt að fara í Ljósmyndasafn Reykjavíkur og kíkja á skemmtilegar sýningar. Birna Dís fór með 8. bekkinga þangað 30. september.
Frábær mynd! Í kjölfarið (daginn eftir) unnu nemendur í 10. bekk samfélagsfræðiverkefni í tengslum við myndina hjá Helgu Júlíu, kennara.
Það er gott að brjóta upp daginn og bregða sér í Hljómskálagarðinn þegar vel viðrar. Myndirnar segja sína sögu.
Nemendur í 10. bekk fóru í heimsókn í VR 19. september. Það er mjög mikilvægt að kynna sér hvaða réttindi og skyldur fylgja því þegar maður ræður sig í vinnu. Gott mál. Helga Júlía kennari fór með nemendum.
Við erum svo heppin að fá boð frá Bíó Paradís á hverjum skólavetri. Þá röltum við upp Hverfisgötuna, fáum stutta kvikmyndafræðslu hjá henni Oddnýju Sen og horfum síðan á vel valda mynd í nánast hverjum skólamánuði. Fyrsta mynd vetrarins var The Queen sem var sýnd fyrir 8. og 9. bekk.
Við fengum góða heimsókn í 10. bekk 19. september. Gestir frá Fjármálaviti komu og fræddu nemendur um fjármál og lögðu fyrir þá verkefni. Frábær heimsókn og gagnleg fyrir nemendur! Sjá má myndir á Facebókarsíðu Fjármálavits frá þessari fræðslu og í hinum ýmsu skólum á slóðinni https://www.facebook.com/fjarmalavit/?ref=bookmarks. Við þökkum kærlega fyrir heimsóknina.
Nokkrir nemendur völdu að taka þátt í valgreininni: Hönnun og endurvinnsla. Margra áratuga gamlir bekkir verða pússaðir og málaðir í áföngum. Nýtt áklæði verður svo sett á í lokin. Það verður skemmtilegt að fylgjast með breytingunum því þessir bekkir eru mikið notaðir á ganginum á 2. hæðinni.
Birna Dís kennari, fór með nemendur í Kvos (8. bekkinga) í heimsókn á Listasafn Íslands. Flott sýning - og fræg verk.
