Dýrin streyma í Tjarnó - við fengum kanínuna hennar Gabríelu í heimsókn í dag. Góður og fallegur gestur.
Nokkrir nemendur völdu að fara í körfubolta - stuð og stemning.
Sigurborg kennari kom með hvolpinn sinn, hana Móu í skólann í dag. Hún sló í gegn.
Í dag hefðum við átt að vera í skíðaferð í Bláfjöllum en vegna þess að við þurftum að blása hana af út af ,,dottlu" fengu allir ís í sárabætur í góða veðrinu
Þemadagar 2021 - Tjarnó ætlaði að safna áheitum fyrir Unicef. Nemendur hófu undirbúning að söfnun fyrir. Eftir fyrsta daginn sem tókst ágætlega ætluðu nemendur að drippla boltum, reikna dæmi, spila kleppara, stjórna lukkuhjóli, selja bollakökur og fleira skemmtilegt en þá greip covidástandið enn og aftur í taumana og allir fóru fyrr í páskafrí, eins og kunnugt er. Nú er það spurningin hvort okkur tekst að ljúka ætlunarverkinu fyrir skólalok.
Frábær ferð í Perluna í dag. Krakkarnir voru mjög áhugasamir enda heil sýning um eitt heitasta umræðuefni þjóðarinnar.
Tíundu bekkingar urðu í 3. sæti í Fjármálaleikum grunnskólanna 2020 - 2021. FRÁBÆRT! Kristín Lúðvíksdóttir, verkefnastjóri Fjármálavits kom í heimsókn í dag og færði nemendum hamingjuóskir, kökur, viðurkenningarskjal og verðlaunin sem eru 100.000 krónur. Vel gert! Innilega til hamingju krakkar og Birna Dís, kennari! Húrra!
Það er nóg að gera hjá 10. bekk í að skoða framhaldsskóla. Í dag fóru nokkrir nemendur í MS og eftir hádegi fórum við í stórskemmtilega heimasókn í FMOS. Ég var einmitt beðin um að skila því til foreldra að það er opið hús hjá FMOS á morgun klukkan 17:00 ef einhverjir vilja skoða hann betur.
Krakkarnir í 10. bekk eru búin að vera á ferð og flugi í þessari viku. Við fórum í heimsókn í Borgarholtsskóla á mánudaginn, á þriðjudaginn fórum við í Borgarleikhúsið og sáum leiksýninguna, Allt sem er frábært. Eftir hádegið skoðuðum við Menntaskólann í Kópavogi og í morgun fórum við á kynningu í Tækniskólanum. Síðan eru nokkrir úr bekknum skráðir á kynningu í Versló í dag klukkan 15:00.
Gátum loksins haft rýmisæfingu í dag. Tókst frábærlega vel; hópurinn var 1 mín. og 20 sekúndur að rýma húsið. Glæsilegt!
Samvinna og keppnisandi ríkti hjá 10. bekk í morgun þar sem þau eru á fullu að taka þátt í fjármálaleikunum hjá Birnu í fjármálafræðslunni. Nú verður bara spennandi að sjá í hvaða sæti þau lenda í keppninni.
Níundi bekkur fór á sýningu hjá Íslenska dansflokkunum í Borgarleikhúsinu; Black Marrow. Mögnuð sýning.
Fjör á Joe & The Juice í hádeginu í dag. Rannsóknarverkefnishópurinn fékk sér safa og samloku í boði Tjarnó. Flottur hópur sem skilaði framúrskarandi verkefnum!
Við gerðum okkur glaðan dag á öskudaginn eins og venjulega. Sumir mættu í búningi og allir glöddust þegar Vöffluvagninn mætti á Tjarnarbakkann. Ljúffengar vöfflur og kakó í boði skólans fyrir alla. Mmmmmmmm....
Til að fagna annarlokum buðum við nemendum í keilu og pizzur í hádeginu; þvílíkt hlaðborð í boði - allir örugglega saddir áður en keilan byrjaði kl. 12.00.
Í morgun veittum við viðurkenningar fyrir framúrskarandi rannsóknarverkefni. Níu nemendur fengu viðurkenningarskjal og þeim verður síðan boðið í ljúffenga hádegishressingu á næstunni. Þeir sem sköruðu fram úr eru: Kristinn og Viðja í 8. bekk, Dharma, Sólveig og Þórunn í 9. bekk og Árni, Benedikt, Ísak og Katrín í 10. bekk. Við óskum þeim öllum til hamingu!
10. bekkur skellti sér út úr húsi eftir hádegi og fór í heimsókn í Norræna húsið á myndlistarsýninguna Undir niðri. Mjög áhugaverð samsýning eftir norrænar listakonur.
Í byrjun vikunnar skiluðu nemendur afar fjölbreyttum rannsóknarverkefnum. Hugmyndaflugið og áhugasvið nemenda birtist mjög vel í þessum verkefnum. Sýningin að þessu sinni var án foreldra en hver um sig kynnti sitt verkefni fyrir kennurum og nemendum. Það var mjög skemmtilegt að skoða þessi verkefni.
Nú eru 10. bekkjar foreldrar komnir í afa- og ömmuhlutverkið þar sem fjölgun varð umtalsverð í bekknum í dag. Undirbúningur hófst í gær þegar Ólafur Grétar kom með fræðslu og leyfði nemendum að prófa að vera ,,óléttir". Það má búast við að einhverjir missi svefn í nótt. Gangi þeim vel. Þetta er ellefta árið sem nemendur fá að taka þátt í þessu óvenjulega verkefni í Tjarnó.
8. bekkur heimsótti sýninguna Gilbert og George í Listasafni Reykjavíkur. Alveg óhætt að segja að listamennirnir hafi fangað athygli nemenda. Það var mikið flissað